Pars Today

ФҚБ ва Миллий хавфсизлик департаменти қўшма баёнотда Трампнинг Флоридадаги саройида тинтув ўтказилгандан сўнг федерал амалдорларга нисбатан таҳдидлар кучайгани ҳақида огоҳлантирди.

Икки ташкилот ўз баёнотида ФҚБнинг Мар-а-Лаго саройига рейд уюштирганидан сўнг федерал ижроия мансабдор шахсларига қарши эҳтимолий таҳдидлар баъзи ижтимоий тармоқларда, Интернет форумларида, видео ва тасвир алмашиш платформаларида кузатилганини ва шунинг учун Америка бўйлаб қабилавий, маҳаллий, штат ва федерал ҳокимият органларидаги ходимларни эҳтиёт бўлишлари ҳақида огоҳлантириш берди. Шунингдек, ушбу баёнотда улар ФҚБ штаб-квартирасини бомбардимон қилиш таҳдиди ва бутун мамлакат бўйлаб "фуқаролар уруши" ва "қуролли инқилоб" сарлавҳалари билан бошқа ички таҳдидлар ҳақида огоҳлантирдилар ва бу таҳдидлар нишонлар, тактикалар ва қуролларни қамраб олиши мумкинлигини таъкидладилар.

Американинг ушбу икки ички хавфсизлик институтини федерал амалдорларга нисбатан таҳдидларнинг сезиларли даражада ортиши ва Қўшма Штатлардаги сўнгги ички воқеалар нуқтаи назаридан фуқаролар уруши ёки қуролли инқилоб содир бўлиши ҳақидаги огоҳлантириши, ФҚБ ходимларининг Америка президенти Доналд Трампнинг Флоридадаги мулкига бостириб киришидан кейинги воқеалар фонида маъно касб этади.  2021-йил январида АҚШ Конгрессига уюштирилган ҳужумда бўлгани каби бу сафар ҳам Трамп агрессив ёндашувни қўллади ва бевосита ва билвосита ўз тарафдорларини бу борада муносабат билдиришга ундади. Албатта, бу реакцияларнинг бир қисми Трампнинг Флоридадаги мулки олдида норозилик намойишлари тарзида бўлиб ўтди, бироқ уларнинг энг муҳим қисми радикаллар ва Трампнинг ўта ўнг қанот тарафдорлари томонидан таҳдидлар ва баъзи қуролли ҳаракатлар бўлди. Аслида, Трампнинг радикал тарафдорлари томонидан сўнгги пайтларда фуқаролар уруши таҳдидлари мисли кўрилмаган нарса эмас. Бироқ, бу таҳдидлар ҳозир жуда жиддий деб баҳоланди. Бу сафар Трамп тарафдорларининг ФҚБ терговига муносабати одатдаги ғазаб ва жирканчликдан ҳам ошиб кетди.

Трампнинг бир қатор тарафдорлари ва ҳатто унинг оммавий ахборот воситаларидаги баъзи тарафдорлари ёки Республикачилар партияси номзодлари эндиликда ФҚБ ҳаракатларига қаршилигини билдириш учун зўравонлик тилига мурожаат қилишди. Кеча Доналд Трампнинг бир гуруҳ қуролли тарафдорлари Аризона штатининг Феникс шаҳридаги ФҚБ идораси олдида тўпланиб, унинг Флоридадаги мулкига полиция босқин уюштирганига норозилик билдиришди ва бу масалага ўз норозиликларини билдиришди. Намойишчилар қўлларига “ФҚБ бекор қилинсин” деб ёзилган плакатларни кўтариб, норозилик билдиришди. Бунгача унинг тарафдорлари Флоридада Трамп маъмурияти олдида норозилик намойиши ўтказган эди. 11-август, пайшанба куни Огаё штатининг Синсиннати шаҳрида ФҚБ идорасига киришга уринган 42 ёшли қуролли эркак хавфсизлик кучлари томонидан отиб ўлдирилди. Бу шахс 2021-йил 6-январда Конгресс биносига ҳужумда иштирок этган. Ҳужум сабаблари ҳозирча номаълум бўлса-да, ФҚБ сўнгги кунларда Трампнинг мулкида тинтув ўтказганлиги сабабли “оғзаки ҳужумлар ва қасос олиш таҳдидлари”нинг нишонига айланган. Шунингдек, Трампнинг саройида тинтув ўтказиш учун ордерни маъқуллаган Флорида суди судяси ФҚБ агентлари ҳужумидан кейинги кунларда кўплаб баёнотлар ва ҳақоратлар нишонига айланган.

Бу ҳолатлар Америка ички сиёсати майдони янги ва мисли кўрилмаган босқичга кирганлигини кўрсатади. Унинг равшан хусусиятларидан бири норозиликларнинг сезиларли даражада кўпайиши, шунингдек, қуролли ҳаракатлар ва федерал ҳукуматга қарши зўравонлик ҳаракатлари таҳдидидир. Айрим экспертларга кўра, Трамп саройида топилган ҳужжатлар бўйича кураш Американинг икки асосий партияси – республикачилар ва демократлар ўртасидаги одатий сиёсий кураш эмас, балки, бу “яширин ҳукумат”нинг (1) ижрочи ва хавфсизлик қўмитаси сифатидаги Америка разведка ҳамжамияти томонидан сиёсий ўйин қоидаларига риоя қилмаган ва мавжуд структурани бузиш учун ҳаракат қилаётган профессионал сиёсий бизнесмен Трамп билан кенг кўламли урушдир.  Трамп лавозимга киришганидан то Оқ уйни тарк этгунга қадар мавжуд сиёсий тузулмани бузиб сиёсат юритди ва кўплаб соҳаларда анъанавий қоидаларни бузди ва бу борадаги сўнгги ҳаракати 11 та ўта махфий ҳужжатлар тўпламини, жумладан, ядровий ҳужжатларни махфий равишда Флоридадаги ўз мулкига кўчириш бўлган. Бу Американинг расмий ва қонуний нуқтаи назаридан тоқат қилиб бўлмайдиган ҳаракат ҳисобланади. Машҳур демократ медиа фаоли Рон Филипковски Трамп томонидан махфий маълумотларнинг сизиб чиқиши билан боғлиқ кўплаб ҳолатларни эслатиб ўтгандан кейин шундай дейди: Махфий ҳужжатлар ҳақида қайғурманг, Трампда бундай ишларни кўп амалга оширган.