Pars Today

Манхеттендаги олий ҳакамлар ҳайъати АҚШнинг собиқ президенти Доналд Трампни сукут ҳаққини тўлаш жиноятида айблади.

Ню-Ёркнинг Манхеттен суди АҚШнинг собиқ президентини жимлик тўловини тўлаш жиноятида айблади ва яқин кунларда айблов эълон қилиниши айтилмоқда. Бу Америка тарихида биринчи марта президент жиноий жавобгарликка тортилган ҳолатдир.

Албатта, Трампнинг турли соҳалардаги баҳсли тарихи ва унинг маънавий ахлоқсизлик ва молиявий коррупцияга оид турли ҳолатлари ошкор этилиши туфайли Америка суд тизими ниҳоят уни қўлга олиши кутилган эди. Трампнинг тарафдорлари фикрича, Ню-Ёрк суди томонидан жиноий таъқиб этишнинг асосий мақсади аслида унинг 2024-йилги президентлик сайловларида қайта иштирок этишига йўл қўймаслик ва АҚШнинг амалдаги демократ президенти Жо Байденнинг асосий рақибини йўқ қилишдир. Трампнинг ёрдамчиларининг айтишича, у ҳозир Флоридадаги қароргоҳида ва унга нисбатан жиноий иш қўзғатилгани ҳақидаги хабарни эшитиб ҳайратда. Ҳеч қандай жиноят содир этилмаганини иддао қилган АҚШ собиқ президентининг юридик гуруҳи, у айбланганидан сўнг ҳақиқат ошкор бўлишини ва адолат қарор топишини маълум қилди.

Трампнинг адвокати Алина Хеба ҳам ўз баёнотида айтди:Трамп “адлия тизими ва Америка тарихининг бузуқ ва бузилган версияси қурбонидир. У оқланади”.

Трампнинг оиласи ҳам унга қарши айбловни “сайлов кампанияси йили давомида сиёсий рақибни оппортунистик нишонга олиш” сифатида қоралади. Айрим Америка ОАВлари ҳам бу мамлакатнинг собиқ президенти яқин кунларда ҳибсга олинишини хабар қилишди.

АҚШнинг собиқ президенти Доналд Трамп ўз баёнотида барча айбловларни рад этиб, бу АҚШ сайловларига таъсир ўтказиш учун сиёсий қарор эканини айтди. Трамп Жо Байден ва Демократик партияга ҳужум қилиб, одамлар демократларнинг хатти-ҳаракатларидан хабардор эканини айтди.

Трампнинг баёнотида шундай дейилган:Бизнинг ҳаракатимиз ва партиямиз - бирлашган ва кучли - аввал Манхеттен бош прокурори Алвин Браггни мағлуб этади, кейин эса биз Жо Байденни мағлуб қиламиз ва биз Американи яна буюк қилишимиз учун бу эгри демократларнинг охиргисини ҳокимиятдан четлатиш ниятидамиз!

Трампнинг собиқ вице-президенти Майк Пенс ҳам шундай деди:Менимча, Трампга қарши унинг сайловолди кампаниясини молиялаштириш масалалари бўйича мисли кўрилмаган айблов одамларни ғазаблантиради. Афтидан, бу айблов миллионлаб америкаликлар назарида сиёсий ўйиндан бошқа нарса эмас. Менимча, Америка халқи бу масалани бу мамлакатдаги сиёсий криминаллаштиришнинг яна бир намунаси сифатида кўради.

Муҳими, Трампнинг ўзи Стормй Даниелс номли порнографик филмлардаги актёрга жим туриш ҳуқуқини тўлаши масаласини бир неча бор тилга олган. Улар орасида, 2018-йилнинг май ойида, яьни президентлик даврида, у кетма-кет учта твитида Сторми Даниелсга у билан ахлоқсиз муносабати ҳақида жим туриши учун шахсий адвокати орқали 130 минг доллар тўлаганини тан олди. Шу пайтгача Трамп адвокати Майкл Коен орқали бу суммани тўлаганини рад этиб, бундай сумма тўланганидан бехабар эканини маълум қиларди.

Трамп бир неча бор ўзи билан боғлиқ турли терговларни “жодугар ови” деб атаган ва ўзини демократ прокурорлар бошчилигидаги сиёсий тергов қурбони сифатида кўрсатиб, жамоатчилик фикрини ўзгартиришга уринмоқда. Бундан ташқари, бир неча ҳафта олдин, айблов хулосаси яқинлашар экан, Трамп ўз тарафдорларидан унинг ҳибсга олинишига норозилик билдиришни сўраган. Шу йўл билан, афтидан, у ҳибсга олинса, 2021-йил 6-январда АҚШ Конгрессига уюштирилган ҳужумга ўхшаш воқеани такрорламоқчи. Доналд Трамп айни дамда Республикачилар партиясининг келаси йилги президентлик сайловлари учун номзодлар рўйхатида биринчи ўринни эгаллаб турибди. АҚШ қонунчилигида президентликка судланган номзоднинг сайловолди ташвиқотини, ҳатто қамоқдан ҳам олиб борилишини тақиқловчи қоида йўқ. Бироқ Трамп тарафдорлари унга айблов  эълон қилиш ва уни ҳибсга олишдан мақсад унинг обрўсини тўкиш ва 2024-йилги президентлик сайловларида ғалаба қозониш имкониятларини йўқ қилиш, деб ҳисобламоқда.