Ўзбекистон МТЖ ФИФА рейтингида 10 поғонага юқорилади
июл 16, 2016 13:14 Asia/Tashkent
ФИФА расмий сайти июн ойи учун терма жамоалар рейтингини эълон қилди.
UZ24 сайтининг хабарига кўра, рейтингда Аргентина термаси етакчилик қилмоқда. Кучли учликдан Бельгия ҳамда Колумбия терма жамоалари ўрин олган. Европанинг янги чемпиони - Португалия рейтингда олтинчи ўринга кўтарилди.
Ўзбекистон миллий терма жамоаси ушбу рейтингда ўтган ойдагидан 10 поғона юқорилаб, 56-ўринга кўтарилиб олди. ЎФФ расмий сайти хабарига кўра, ҳозирда Ўзбекистон миллий терма жамоаси ҳисобида 569 очко мавжуд.
ОФКга аъзо мамлакатлар ичида эса Ўзбекистон 6-ўриндан учинчи ўринга кўтарилди. Осиё мамлакатларидан фақатгина Эрон (674) ҳамда Жанубий Корея (592) Ўзбекистондан юқорироқда. Ўзбекистон июль ойида Япония (564) ва Австралиядан (555) ўзиб кетди.
