Санкт-Петербург губернатори Георгий Полтавченко Тошкентга келди
-
Санкт-Петербург губернатори
ТОШКЕНТ, 25 окт — Sputnik. Ноябр ойида Тошкентга Санкт-Петербург губернатори Георгий Полтавченко ташриф буюришни режалаштирмоқда, деб хабар қилди Sputnik мухбирига Россиянинг Ўзбекистондаги савдо ваколатхонасидаги манба.
Суҳбатдош ташрифнинг аниқ санаси ва режалаштирилган учрашувлар дастурига аниқлик киритмади. Унинг сўзларига кўра, бундан ташқари, йио охирига қадар вилоятлар даражасида қатор икки томонлама ташрифлар амалга оширилиши кутилмоқда.
"Айни пайтда савдо ваколатхонаси томонидан октябр-ноябр ойларидаги ишбилармонлик тадбирлари доирасида бизнес-миссияларнинг қатор расмий ташрифларига тайёргарлик кўрилмоқда. Хусусан, ушбу даврда Санкт-Петербург губернатори Полтавченко раҳбарлигидаги маданий-ишбилармонлик миссияси, Ўзбекистонда Челябинск вилояти кунларини ўтказиш, Бошқирдистон, Оренбург вилояти, Олтой ўлкаси раҳбариятлари ташрифлари, шунингдек, Калининград, Омск, Владимир, Орлов, Ярослав ва бошқа вилоятлардаги Россия корхоналари бизнес-миссияларини ўтказиш режалаштирилмоқда", – деди суҳбатдош.
