Президент девонида яна ўзгаришлар рўй берди

Собиқ Олий ва ўрта махсус таълим вазири Рустам Собирович Қосимов Ўзбекистон Республикаси Президентининг Давлат маслаҳатчиси этиб тайинланди.

У янги лавозимда Аҳмадхўжа Ниғманович Юнусхўжаев ўрнини эгаллади.

Бироз олдинроқ Иқтисодиёт вазири лавозимидан кетган Галина Саидова ҳам президент девонига ўтган. У президент давлат маслаҳатчиси ўринбосари этиб тайинланган.

Шунингдек, собиқ Ташқи савдо вазири Элёр Ғаниев ҳам президент девонига сектор бошлиғи этиб тайинланган.