Шавкат Мирзиёев Мисрнинг қайта сайланган президентига табрик йўллади
-
Шавкат Мирзиёев
ТОШКЕНТ, 3 апр — Sputnik. Ўзбекистон президенти Шавкат Мирзиёев 2 апрел куни Абдулфаттоҳ Ас-Сисийни Миср президенти лавозимига қайта сайлангани муносабати билан табриклади, деб хабар қилди президент матбуот хизмати.
"Бўлиб ўтган савловда Сиз эришган бу улкан ғалаба дўст Миср халқининг тинчлиги, равнақи ва фаровонлиги йўлида узоқни кўзлаб олиб бораётган сиёсатингиз, ижтимоий-иқтисодий соҳалардаги ислоҳотлар, минтақавий ва глобал хавфсизликни таъминлашга қаратилган амалий ташаббус ва ҳаракатларингизнинг яна бир юксак эътирофи сифатида қабул қиламиз", — дейилади президент табригида.
Шунингдек, мактубда таъкидланганидек, "Ўзбекистон ва Мирс халқлари ўртасидаги маданий ва диний муштараклик, азалик дўстона ришталар кен қамровли ва узоқ муддатли муносабатлармизнинг мустаҳкам пойдевори бўлиб келмоқда".
