Ўзбекистоннинг энг йирик савдо ҳамкорлари Россия ва Хитой бўлди
июл 26, 2018 19:18 Asia/Tashkent
ТОШКЕНТ, 26 июл – Sputnik. Ўзбекистон Республикаси Ташқи савдо вазирлиги 2018 йил биринчи ярмида Ўзбекистон билан савдо ҳажми энг юқори мамлакатлар ўнталигини эълон қилди.
Унда биринчи ўринни Россия эгаллади. Ушбу давлат билан савдо айланмаси 2 826 млн долларни ташкил этган. Экспорт - 1 022,4 млн доллар, импорт - 1 813 млн долларга тенг бўлди. Бу мамлакатнинг умумий савдо айланмасидаги улуши - 16%.
Кейинги ўринда Хитой бормоқда: савдо айланмаси - 2 811,3 млн доллар, экспорт - 1 304,6 млн доллар, импорт - 1 506,7 млн доллар. Умумий савдо айланмасидаги улуши - 15,9%.
Учинчи ўринда Қозоғистон жойлашди: савдо айланмаси - 1 436,7 млн доллар, экспорт - 701,4 ва импорт – 735,3 млн доллар. Умумий савдо айланмасидаги улуши - 8,1%.