Олий суд биноси олдида пикетда қатнашган Нодира Бўриеванинг айтишича, Бош прокурор Отабек Муродов сўзи ҳеч қаерда ўтмаяпти. 6 йилга қамалган ўғлининг оқлаш тўғрисида ҳукм бажарилмаяпти.

Нодира Бўриева 4 ойдан бери ўғлини бутунлай оқлаш борасида қилаётган ҳаракатлари бекор кетаётганини айтади. Бу вақт давомида у молиявий жиҳатдан жуда қийналиб қолганини, Олий судда уни ҳеч ким эшитмаётганини билдирди.

Бўриевага кўра тизимдаги қоғозбозлик туфайли унинг ўғли оқланган бўлса-да, яна бир модда билан айбдорлигича қолмоқда.