Президент Мирзиёев шаҳидлар ҳақига дуо қилди, Мустақиллик монументи пойига гулчамбар қўйди
август 31, 2018 18:23 Asia/Tashkent
Президент Шавкат Мирзиёев 31 август куни Мустақиллик майдонига ташриф буюриб, Мустақиллик ва эзгулик монументи пойига гулчамбар қўйди. Бу ҳақда давлат раҳбари матбуот хизмати хабар қилди.
Ўзбекистон Республикаси Олий Мажлиси Сенати ва Қонунчилик палатаси, Вазирлар Маҳкамаси, вазирликлар вакиллари ҳам ёдгорлик пойига гуллар қўйди.
Шавкат Мирзиёев шу куни Тошкентдаги Шаҳидлар хотираси хиёбонида ўтказилган халқ озодлиги йўлида фидо бўлган инсонларни хотирлаш маросимида ҳам иштирок этди.
Бу йил Ўзбекистон мустақилликка эришганига 27 йил тўлди.
1 сентябрь - Ўзбекистон мустақиллиги куни.
31 август — Қатағон қурбонларини ёд этиш куни.
Ёрлиқ
