Бекободда кесак кўтарганлардан бири ишдан кетди

Бекободда кесак кўтарган 6 кишидан бири- Ер ресурслари ва кадастр бўлими бошлиғи Абдулла Умаров ушбу воқеадан сўнг ўз ихтиёри билан ишдан бўшашга қарор қилган.

Кун.уз сайтига кўра, кесак кўтарган олти кишидан бири воқеа тафсилотларини тўлиқ айтиб беришдан ўзини тийиб турди. 

«Мен воқеа жойига сал кеч қолиб келдим. Улар кесакни нега кўтариб олганига тушунмай, қаторга қўшилдим. Мен ҳам кесакни қўлга олдим», дейди у. 

Суҳбатдошнинг таъкидлашича, «гап эшитиб қолишдан қўрқиб» у ҳам кесакни кўтараверган. Оққўрғон туманида сувга тушган олти кишидан бири ҳам деярли шу мазмундаги изоҳни берганди. Шунга қарамай, воқеа тафсилотлари билан таниш бўлган ҳокимият вакилига кўра, бу «яхши тайёрланмаган майдонга буғдой уруғини қадалиши»га йўл қўйган масъуллар учун тайинланган жазо бўлади.