Ўзбекистон президенти 15 июнь куни Тожикистонга ташриф буюради

ўзбекистон президенти Шавкат Мирзиёев 15 июнь куни Душанбеда бўлиб ўтадиган Осиёда ўзаро ҳамкорлик ва ишонч чоралари бўйича кенгашга аъзо давлатлар раҳбарларининг бешинчи саммитида қатнашади.

Душанбе саммитида қатнашиш учун 12 давлат — Хитой, Россия, Эрон, Озарбойжон, Ўзбекистон, Қозоғистон, Қирғизистон, Туркманистон, Бангладеш ва Шри-Ланка президентлари Тожикистонга ташриф буюради.

Кенгашга аъзо яна 15 давлатнинг бош вазир, бош вазир ўринбосарлари ва ташқи ишлар вазирлари қатнашади.

Делегациялар раҳбарларининг саммитда иштирок этишдан ташқари қатор икки томонлама учрашувлар ўтказиши ҳам режалаштирилган.

Саммитнинг асосий тадбирлари Тожикистон пойтахтидаги «Кохи Наврўз» саройида бўлиб ўтади.

• Шавкат Мирзиёев Европа тикланиш ва тараққиёт банки президенти Сума Чакрабартини қабул қилди

• Шавкат Мирзиёев Қосим-Жўмарт Тўқаевни Қозоғистон президенти сайловида ғалаба қозонгани билан табриклади