Ўзбекистонда коронавирусни юқтириб олганлар сони 167 нафарга етди

Ўзбекистонда коронавирус инфекцияси билан касалланганлик ҳолатлари сони 9 тага ошиб, 167 нафарни ташкил этмоқда.

Sputnik ахборот агентлигига кўра, Ўзбекистонда коронавирус инфекциясига чалинганлар сони 9тага ошиб, 167 нафарни ташкил қилмоқда, деб хабар берди Соғлиқни сақлаш вазирлиги.

Сал олдин, инфекция билан хасталанганлар сони 158 нафар эканлиги ва фуқароларнинг 92 нафари (шундан 7 нафари соғайган, бир нафари вафот этган) пойтахтдаги Вирусология илмий-текшириш институти клиникасида, қолган 66 нафари (шундан бир нафари вафот этган) қатор вилоятлардаги шифохоналарда муолажа олишаётгани ҳақида хабар берган эдик. 

Эслатиб ўтамиз, айни вақтга қадар COVID-19ни юқтирган кишилар сони дунё бўйича 786 мингдан ошди, 38 мингга яқини вафот этди, 165 мингдан зиёди соғайди.