Ўзбекистонда коронавирусга чалинганлар сони 5000 тага яқинлашмоқда
Коронавирусдан холи ҳудудга айланган Сурхондарёга яна 9 та янги ҳолат қайд этилди.
“2020 йил 14 июнь соат 10:00 ҳолатига кўра, Ўзбекистонда коронавирус инфекцияси қайд этилганлар сони 4994 (+28) нафарни ташкил этмоқда”, - дейилган Ўзбекистон Соғлиқни сақлаш вазирлиги.
Янги касалланганларнинг 7 нафари карантин марказидаги (барчаси хориждан келган) фуқаролар орасида, 10 нафари Тошкент вилоятида (шундан 4 нафари халқаро юк ташувчи автомашина ҳайдовчиси, 6 нафари коронавирусга чалинганлар билан мулоқотда бўлиб карантинга олинган), 9 нафари Сурхондарё вилоятида ҳамда 2 нафари Бухоро вилоятида аҳоли орасида аниқланган.
Ҳозирда 3874 нафар коронавирус инфекциясига чалинган фуқаролар (77 фоиз) соғайган.
Мамлакат бўйлаб 1101 нафар бемор даволанмоқда. Улардан 12 нафари оғир, 2 нафари эса ўта оғир аҳволда.
