Ўзбекистон тинчликсевар мамлакатлар рейтингида 90-ўринда

Ўзбекистон Иқтисодиёт ва тинчлик институти (Institute for Economics & Peace, IEP) эълон қилган тинчликсевар мамлакатлар рейтингида 90-ўриндан жой олди.

Ўзбекистон ўртача даражадаги тинчликсевар мамлакатлар гуруҳига киради. Қозоғистон (67-ўрин), Қирғизистон (76-ўрин),Тожикистон (97-ўрин), Туркманистон(109-ўрин), Озарбойжон (121-ўрин) ҳам ушбу гуруҳда жойлашган деб хабар қилган Аниқ.уз сайти таҳлилчиларга таяниб.

Шимолий Корея, Венесуэла, Судан, Россия, Марказий Африка Республикаси, Ливия, Конго, Ироқ, Сомали энг тажовузкор мамлакатлар гуруҳига жойлаштирилди. 163 мамлакат ўрин олган рўйхатни Сурия, Яман ва Афғонистон якунлайди.

Исландия энг тинчликсевар мамлакат деб топилди. Юқори ўнликка шунингдек, Янги Зеландия, Дания, Португалия, Словения, Австрия, Швейцария, Ирландия, Чехия, Канада кирди.