Pars Today

Кеча Ўзбекистон президенти, Шавкат Мирзиёев Санкт-Петербург шаҳри губернатори Александр Беглов бошчилигидаги делегация билан учрашди.

Тошкентда бўли ўтган учрашувда Беглов Ўзбекистон ва Санкт-Петербургнинг умумий шонли тарихи ҳақида гапирди.

Санкт-Петербург губернатори ўз сўзларида, "Санкт-Петербург учун мамлакатингиз билан алоқалар алоҳида аҳамиятга эга. Биз умумий қаҳрамонона тарихига эгамиз. Улуғ Ватан уруши йилларида меҳмондўст юртингиз Ленинграддан эвакуация қилинган кўплаб одамларга бошпана берган”, — деб айтди.

Россиянинг  Санкт-Петербург шаҳри губернатори россиялик тадбиркорлар Ўзбекистон билан ҳамкорликни ривожлантиришдан манфаатдор эканликларини айтиб ўтди.

Санкт-Петербург делегацияси таркибига турли соҳалар - меҳнат миграциясини ташкил этишдан тортиб, ёғочга ишлов бериш ва мебель ишлаб чиқаришгача бўлган муассаса ва корхоналар вакиллари киради. Хусусан, Россия мебель ва ёғочга ишлов бериш корхоналари уюшмаси Ўзбекистоннинг йирик ишлаб чиқарувчилари билан янги уйларни жиҳозлаш ва мебель маҳсулотларини сотиш бўйича ҳамкорликни ривожлантиришдан манфаатдор.

Шу билан бирга, Санкт-Петербург компаниялари Ўзбекистонда транспорт инфратузилмасини ривожлантириш бўйича айрим истиқболли лойиҳаларда иштирок этиш имкониятларини кўриб чиқмоқда. Тошкент шаҳри атрофида 63 километр узунликдаги ҳалқа йўли реконструкция қилинаётгани шулар жумласидандир. Санкт-Петербург хусусий Россия банкларини жалб қилиш орқали лойиҳани молиялаштиришни ишлаб чиқишда ёрдам беришга тайёр.

Ундан ташқари, Санкт-Петербург ва Ўзбекистон орасида соғлиқни сақлаш, фармацевтика ва тиббиёт саноати, жисмоний тарбия ва спорт соҳасида ҳам ўзаро ҳамкорлик ривожланаётгани алоҳи айтиб ўтилди.

Ўзбекистон ҳудудларининг Санкт-Петербург шаҳри билан ўзаро манфаатли ҳамкорлиги бўйича “йўл харитаси”ни тайёрлаш ва қабул қилишга келишиб олинди.

Фаол маданий-гуманитар алмашинувларнинг давом эттирилиши қўллаб-қувватланди.

• Тошкентда Ўзбекистон президенти Россия ҳукумати раисининг ўринбосарини қабул қилди