ноябр 26, 2023 18:18 Asia/Tashkent
  • Тезкор: Наманганда вилоятида 235 бола қизамиққа чалинган
    Тезкор: Наманганда вилоятида 235 бола қизамиққа чалинган

Наманган қизамиққа чалинган болалар сони ортди.

Ўзбекистон Санитария-эпидемиология қўмитасига таяниб Қалампир сайтининг хабар қилишича,  ҳозирда Наманган вилоятида 235 бола қизамиққа чалиниб, даволанмоқда.

Хабарга кўра, Наманган вилоятида қизамиқ касаллиги билан гумон  қилинган беморларни стационар даволаш учун 340 шифо ўрин ташкил этилган, бундан 240 шифо-ўрни Вилоят юқумли касалликлар шифохонасида, 100 шифо ўрни вилоятнинг Бешкапа болалар сиҳатгоҳида.

“Вилоят юқумли касалликлар шифохонасида 240 ўринда 235 та бемор даволанмокда, 5 шифо-ўрни захираси мавжуд, Бешкапа  болалар  сиҳатгохида 100 ўринда 2 ёшдан юқори  беморлардан 20 нафари даволанмокда, 80 шифо-ўрни захираси мавжуд”, дейилади қўмита маълумотида. 

Ҳозирги кунда вилоятда жами 85 шифо-ўрни захираси бор, 285 та бемордан 62 %и 1 ёшгача болалар, 25 %и 1-3 ёшдаги болалар. Вилоятда диагностикум, реагент ва вакциналар етарли миқдорда мавжуд экани айтилмоқда. 

Наманганда 1936 нафар болалар эпидемиологик кўрсатма асосида қизамиқ касаллигига қарши вакцина билан эмланган. Ҳозирда даволаш профилактика муассасалари эмлаш хоналарида 310 доза қизамиқ-қизилча вакцинаси  захираси мавжуд.  

Жорий йилнинг январь – октябрь ойлари давомида вилоят бўйича жами 735 та қизамиқ касаллиги лаборатория текширувида тасдиқланган.

Ёрлиқ