Жаҳон банки: Ўзбекистоннинг иқтисодий ўсиши 2023 йилда 5,5 фоизни ташкил этди
-
Жаҳон банки: Ўзбекистоннинг иқтисодий ўсиши 2023 йилда 5,5 фоизни ташкил этди
Жаҳон банки Ўзбекистоннинг 2023 йилги иқтисодий ўсишини 5,5 фоизга етганини хабар қилди.
Жаҳон банки Европа ва Марказий Осиёда (ЕМО) иқтисодий ўсиш 2022 йилдаги 1,2 фоиздан 2023 йилда 2,7 фоизгача ошганини маълум қилди. Ўсишнинг бундай тезлашишига ички талабнинг кенгайиши (бюджетни қўллаб-қувватлашнинг қўшимча чоралари туфайли), меҳнат бозоридаги барқарор вазият ҳамда Россия ва Украинадаги янгиланган ўсиш сабаб бўлди.
Газета сайтининг хабар қилишича, Евроҳудуддаги заиф ташқи талабнинг таъсири, айниқса, Марказий Европа (субминтақалар орасида энг заиф ўсиш — 0,7 фоиз) ва Ғарбий Болқонда сезиларли бўлди.
Иқтисодий ўсиш Жанубий Кавказда ҳам секинлашди, лекин Марказий Осиёда тезлашди. Пул ўтказмалари оқими Арманистон, Қирғизистон ва Тожикистонда талабни сақлаб қолишда муҳим роль ўйнади.
Шарқий Европада иқтисодий ўсиш кўрсаткичлари ижобий қийматларга қайтди. Шундай қилиб, Украинада ўсиш суръати 4,8 фоизни ташкил этди. Ушбу ижобий тенденцияга қарамай, Украинанинг 2023 йилдаги ишлаб чиқариш ҳажми Россиянинг мамлакатга бостириб киришидан олдинги даражадан 30 фоиз пастроқ кўрсаткичда қолди.
Энергия ва озиқ-овқат нархлари босими пасайгани сабабли минтақадаги инфляция секинлашди, лекин ҳали ҳам аксарият мамлакатларда мақсадли кўрсаткичдан юқорилигича қолмоқда.
«Суст иқтисодий фаоллик ва инфляциянинг секинлашуви фонида кўплаб мамлакатларда асосий ставкалар максимал даражага етди, бу эса айрим марказий банкларнинг ставкаларни пасайтиришни бошлашига туртки бўлди», — дея қайд этди Жаҳон банки ва Туркия ҳамда Россия пул-кредит сиёсатида кескинлашув циклини бошлаганини қўшимча қилди.
