ИШИД террорчилари ал-Бағдодийнинг ҳалок бўлганини маълум қилишди

Террорчилар қисқа баёнот билан чиқиб, унда ўз етакчилари ҳалок бўлганини хабар қилишган, шунингдек, унинг меросхўри номини айтишган

ИШИД террорчилик гуруҳи жангарилари ўз етакчилари Абу Бакр ал-Бағдодий ҳалок бўлганини тасдиқлашди. Бу ҳақда Сомерия Ньюз телеканали Ироқнинг Найнава вилоятидаги маҳаллий манбага асосан хабар тарқатди.

Манба маълумотига кўра, террорчилар қисқа баёнот билан чиқиб, унда ўз етакчилари ҳалок бўлганини хабар қилишган, шунингдек, унинг меросхўри номини айтишган. 

Аввалроқ ИШИД террорчилик гуруҳи етакчиси Абу Бакр ал-Бағдодий катта эҳтимол билан йўқ қилингани ҳақида хабарлар тарқалган эди. Террорчи Россия Ҳарбий Коинот Кучларининг 28 май кунги зарбаси натижасида ўлдирилган бўлиши эҳтимоли ҳам бор.