АҚШнинг Ироқ ва Суриядаги базаларига ракета ва дрон ҳужумлар уюштирилди
Ироқ Исломий қаршилик ҳаракати Сурия ва Ироқдаги тўртта Америка базасини олтита алоҳида ҳужумда нишонга олганини эълон қилди.
Ироқдаги исломий қаршилик ал-Ақсо тўфони жанги ва сионистик режимнинг Ғазо секторидаги узлуксиз тажовузи билан бир вақтда Ироқ ва Суриядаги Америка базаларини нишонга олишда давом этмоқда.
Ал Жазеера телеканалининг хабар беришича, Ироқ Исломий қаршилик ҳаракати душанба оқшомида эълон қилган баёнотида:Олтита ҳарбий амалиёт давомида Американинг Айн ал-Асад, Эрбил аеропорти, Тал ал-Бидар ва ал-Танф базаларини нишонга олди.
Ушбу ҳисоботга кўра, Ироқ Исломий Қаршилик ҳаракати таъкидлаган:Бугун олтита ҳужум пайтида тўртта Америка базаси нишонга олинди.
Бу баёнотда айтилишича, қаршилик жангчилари душанба куни эрталаб Ироқ ғарбидаги Айн ал-Ассад базасини, Ироқ шимолидаги Эрбил аеропорти яқинидаги ишғол базасини, Сурия шимолидаги Тал Бадр базасини ва Сурия жанубидаги ал-Танфни мос қуроллар билан нишонга олган.
Шу билан бирга, АҚШ Мудофаа вазирлиги (Пентагон) бу даврда Ироқнинг исломий қаршиликлари Ироқ ва Суриядаги Америка базаларига 38 марта ҳужум қилганини тан олди.
Ушбу ҳужумлар давомида 45 нафар америкалик аскар яраланган.
