АҚШнинг Ғарбий Осиёдаги 15 та ҳарбий базаси фаолиятининг якунланиши

Эронни ағдариш ва парчалаш мақсади билан бошланган урушдан сўнг АҚШ Яқин Шарқдаги ҳарбий ҳузури бўйича жиддий муаммога дуч келмоқда. Истеъфодаги америкалик генерал ва «MS NOW» хавфсизлик таҳлилчиси Барри Маккаффрининг фикрича, АҚШ Форс кўрфазидаги 15 та ҳарбий базасига кириш имкониятини эҳтимол доимий равишда йўқотган.

Маккаффри ижтимоий тармоқдаги X саҳифасида қолдирган хабарида АҚШ армияси Форс кўрфазидаги 15 та базасига кириш имкониятини «эҳтимол доимий равишда йўқотгани»ни таъкидлади. Унинг фикрича, Эрон ҳозир Форс кўрфази давлатларига кириш масаласида катта таъсирга эга бўлиб, Вашингтон ўз кучлари учун Ғарбий Саудия Арабистони, Исроил ва Жанубий Европада янги базалар ёки кириш имкониятларини музокаралар орқали таъминлашига тўғри келади.

Бу орада АҚШнинг Форс кўрфазидаги ҳарбий инфратузилмаси келажаги ҳам жиддий қайта кўриб чиқилмоқда. «Financial Times» хабар беришича, Эроннинг ракета ва дрон ҳужумлари натижасида АҚШнинг минтақадаги қатор ҳарбий объектлари жиддий зарар кўрган ва Пентагон уларни аввалги кўринишда қайта тиклаш ёки ҳарбий кучларни минтақанинг бошқа ҳудудларига тарқатиш масаласини муҳокама қилмоқда.

Шу нуқтаи назардан, Вашингтоннинг Яқин Шарқдаги анъанавий ҳарбий ҳузури сезиларли даражада ўзгариши мумкин. АҚШ учун асосий масала нафақат зарар кўрган базаларни тиклаш, балки Эрон ҳужумлари шароитида Форс кўрфазидаги йирик ва доимий ҳарбий иншоотларни сақлаб қолиш қанчалик самарали эканини қайта баҳолашдан иборат.