АҚШ сенатори: Трамп Эрон уруши ва америкаликлар азобидан манфаат кўрмоқда
Демократ сенатор Крис Ван Ҳоллен Дональд Трампни АҚШ тарихидаги «энг коррупциялашган президент» деб атади. Унинг таъкидлашича, Трамп америкаликларнинг азоб-уқубатларидан, жумладан, Эронда бошлаган маъносиз урушдан ҳам манфаат кўрмоқда.
«Парс Тудей»нинг «Форс» ахборот агентлигига таяниб хабар беришича, АҚШлик демократ сенатор Крис Ван Ҳоллен Америка президенти Дональд Трампни Эронга қарши урушдан молиявий фойда кўришда айблаб, бу ҳаракатни «соф коррупция» деб атаган.
Ван Ҳоллен MSNBC телеканалига берган интервьюсида шундай деди: «Сиз Бинямин Нетаньяҳу билан бирга бошлаган ноқонуний урушдан манфаат кўраётган президентга эгасиз».
Ван Ҳолленнинг таъкидлашича, айни пайтда АҚШ аҳолиси бир галлон бензин нархининг 4 доллардан ошиши туфайли зарар кўрмоқда, Дональд Трамп эса бу жараёндан фойда олмоқда.
Америкалик сенатор, шунингдек, «Америка Қўшма Штатлари тарихидаги энг коррупциялашган Оқ уй»га гувоҳ бўлаётганимизни таъкидлади. Унинг айтишича, президент амалда Оқ уйни казинога айлантирган. Америкаликлар учун нархлар ошиб, аҳоли қийинчиликларга дуч келаётган ва АҚШ аскарлари урушда ҳалок бўлаётган бир пайтда, Дональд Трамп Оқ уйга қайтганидан бери бир миллиард доллардан ортиқ фойда кўрган.
