Кобулда содир этилган портлаш қурбонлари сони кўпаймоқда

Бугун эрта тонгда Кобул шаҳрининг Вазир Акбархон маҳалласида амалга оширилган террорчилик ҳужум оқибатида ҳалок бўлган фуқаролар сони ошган.

ИРНА ахборот агентлигининг хабар қилишича,  бугун  икки нафар худкуш террористлар Афғонистон пойтахти Кобул шаҳрининг АҚШ элчихонаси биноси яқинидаги Кобул банк бўлимига ҳужум қилишди. Бу ҳужум оқибатида 5 киши ҳалок бўлиб,  9 нафар жароҳат олди.

Аввалида террорчилардан бири  ўзи билан олиб келган  бомбани  ушбу банк яқинида портлатди ва бошқа худкуш эса  банка бориб киргани заҳотиёқ афғон хавфсизлик кучлари томонидан қўлга олинган.

Амалга оширилган ушбу террорчилик ҳужум давлат ҳарбий кучларини  ўз ойлигини олиш учун банкка келишгани пайтида юз берди.

 Афғонистон Ички ишлар вазирлиги нотиғи Нажиб Дониш  бу портлаш оқибатида хавфсизлик кучлардан ҳеч бири қурбон бўлмаган, ҳалок бўлган шахсларнинг барчаси тинч аҳолидир деб эълон қилди.

Ҳозиргача ҳеч бир шахс ва ё гуруҳ ушбу ҳужум учун масъулиятни ўз зиммасига олгани йўқ.