Калифорниядаги ёнғинлар оқибатида қурбон бўлганлар сони 15 нафарга етди

Маълумотларга кўра, 100 дан ортиқ киши жароҳатланган ва касалхонага ётқизилган. Шунингдек, 150 киши бедарак йўқолган. 

Америка қўшма штатлари расмийларининг маълум қилишича, Калифорния шимолидаги ўрмон ёнғинлари оқибатида ҳалок бўлганлар сони 15 нафарга етди. Маълумотларга кўра, 100 дан ортиқ киши жароҳатланган ва касалхонага ётқизилган. Шунингдек, 150 киши бедарак йўқолган. 

Икки мингдан ортиқ уйлар ёниб кетган, 20 миндан ортиқ киши эвакуация қилинган. Ҳозирга вақтда 17 та ёнғин ўчирилган. Калифорния губернатори Жерри Браун томонидан штатнинг саккизта округида фавқулодда ҳолат эълон қилинган.

Шунингдек, у АҚШ президенти Дональд Трампга Калифорния шимоли йирик табиий офатлар зонаси деб эълон қилинишини сўраб, мурожаат йўллаган.