Федерико Могерини Европа иттифоқининг Марказий Осиё мамлакатлари билан ҳамкорликка оид аниқ позициясини билдирди
-
Федерико Могерини Европа иттифоқининг Марказий Осиё мамлакатлари билан ҳамкорликка оид аниқ позициясини билдирди
Марказий Осиё кўмак қабул қилувчи эмас, иқтисодий ҳамкорларимизга айланмоқда
Европа Иттифоқининг Ташқи ишлар ва хавфсизлик сиёсати бўйича масъули Федерика Могерини «Европа иттифоқи Марказий Осиё мамлакатлари билан, нафақат, бой тажрибаларини ўртоқлашиш ҳамда кўмак бериш, балки минтақани тўла қўллаб-қувватлашга, ҳар бир давлат манфаатларини ҳимоя қилишга тайёр»лигини билдирди.
Бу ҳақда Европа иттифоқининг интернет сайти хабар беради. 10 ноябрь куни Самарқанд шаҳрида ташкил этилган «Марказий Осиё: Ягона тарих ва умумий келажак барқарор ривожланиш ва тараққиёт йўлидаги ҳамкорлик» номли халқаро конференцияда нутқ сўзлаган Федерико Могерини минтақадаги ҳамкорликка оид Евроиттифоқнинг аниқ позициясини билдирди.
Кўп масалалар маҳаллий даражадан йирик муаммога айланмоқда. Бунинг учун, албатта, минтақавий ҳамкорликни ривожлантириш ёруғ келажакнинг асосий омили ҳисобланади. Биз ҳамкорликнинг ҳар қандай шаклида минтақа билан биргамиз. Аввало, ҳамкорликнинг хавфсизлик шаклига тўхталиб ўтмоқчиман.
Шу ўринда Европада мавжуд ва узоқ йиллар ичида ривожланиб келган кўптомонлама, иккитомонлама дипломатик муносабатлар ютуқларини эслаш ўринли бўлади. Айни пайтда, биз таҳликали ва мураккаб замонда яшамоқдамиз. Балки бу совуқ урушдан кейинги вазият энг кескинлашган пайтдир. Марказий Осиё мамлакатлари эса кўмак қабул қилувчи эмас, иқтисодий ҳамкорларимизга айланмоқда, дейди у.
