Афғонистон пойтахтида террорчилик ҳужуми амалга оширилди

Кобулда содир этилган террорчилик ҳодисасида камида етти киши ҳаётдан кўз юмди

Афғонистон пойтахти Кобулда содир этилган террорчилик ҳодисасида камида етти киши ҳаётдан кўз юмди. 

Ал-Олам телеканали тарқатган хабарга кўра, Афғонистон ички ишлар вазирлигининг маълум қилишича, бугун жума куни террорчилар Кобул ғарбидаги Даште Барчи минтақасида бомба қурилмасини портлатишган. Ушбу портлаш оқибатида ҳозирга қадар камида 7 каши ҳаётдан кўз юмди ва яна 20 нафар инсон оғир тан жароҳати олди.

Шу билан бирга, айрим гувоҳларнинг маълум қилишича, ушбу портлаш магнит бомбасининг портлаши таъсирида амалга оширилган. 

Ушбу террорчилик ҳужумининг масъулиятини ИШИД террорчилик гуруҳи ўз зиммасига олди.