Америка Сурияга қарши ракета ҳужумини амалга оширди

АҚШ президенти Дональд Трамп Сурияга нисбатан ракета ҳужуми бошланганини билдирди. У бу ҳақда маҳаллий телеканаллар орқали чиқиш қилиб, америкаликларга ахборот берган.

Маълум қилинишича, АҚШ ва унинг иттифоқчилари томонидан Сурияда қўлланилаётган, деган шубҳа билан топилган кимёвий қуроллар ишлатилишига қарши Пентагон ҳарбий ҳаво кучларини Сурия ҳукуматига қарши ишга солмоқда.

Трампнинг айтишича, ракета ҳужумини қўллаган АҚШнинг иттифоқчилари ҳам урушга киришган: улар ҳозирча Франция ва Британия саналади.

«Кимёвий қуроллардан фойдаланиш тўхтатилиши билан Сурия ҳукуматига қаратилган босим ҳам тугайди», дейди Трамп.

АҚШ, Британия ва Франциянинг Сурия ҳудудига берилган ракета зарбалари натижасида уч киши жабрланди. Хабарда айтилишича, Хўмс вилоятидаги тадқиқот марказига ҳам ташқи томондан зиён етган.

«Хўмсдаги ҳарбий базага қарата учирилган ракеталар тутиб олинди ва йўналишдан четлаштирилди, оддий аҳоли вакилларининг уч нафари жабрланди», - дейилади хабарда.

Сурия телевидениесининг хабар қилишича, Дамашқдаги нишонларга  берилган зарбалар Илмий-тадқиқот маркази биносига зарар етказган. Бинода лаборатория ва ўқув маркази жойлашган эди.