Арманистон президенти собиқ бош вазир ва мухолиф ҳаракат етакчиси билан учрашди
-
Арманистон президенти собиқ бош вазир ва мухолиф ҳаракат етакчиси билан учрашди
Арманистон президенти Армен Саркисян ҳукмрон партия раиси, собиқ бош вазир Серж Саргсян ва мухолиф ҳаракат етакчиси Никол Пашинян билан учрашувлар ўтказди. Бу ҳақда давлат раҳбари матбуот хизмати хабар берган
Президент Саркисян 26 апрель куни мухолиф ҳаракат етакчиси Никол Пашинян билан учрашди. У бу учрашувдан сўнг ички сиёсий инқирозга ечим топиш мақсадида мунозараларни давом эттирмоқда, - дея таъкидланади хабарда.
Матбуот хизматидан қўшимча қилишларича, Саркисян ҳукмрон Республика партияси раиси ва ўринбосари Серж Саргсян ҳамда Карен Карапетян билан ҳам учрашган.
«Учрашувлар конструктив аҳамиятга эга. Президентнинг умид қилишича, қўшма саъй-ҳаракатлар орқали барчани қаноатлантирувчи ечим топилади», - дея қайд этиб ўтишган матбуот хизматидан.
Эслатиб ўтамиз, аввалроқ Арманистон вақтинчалик бош вазири Арманистондаги мухолиф ҳаракат етакчиси Никол Пашинян билан музокараларни рад этган эди.
Арманистон бош вазири вазифасини бажарувчи Карен Карапетян мухолифат етакчиси Никол Пашинян билан музокараларда иштирок этмасликка қарор қилди.
