Бугун Эрдўған ўз лавозимини бажаришга киришади

9 июл кунида Ражаб Тоййиб Эрдўған Туркиянинг президенти сифатида қасамёд келтиради ва иккинчи муддатга президент лавозимини бажаришга киришади.

Эрдўғаннинг инаугурацияси маросими маҳаллий вақт билан соат 16.00да Туркиянинг парламентида ўтади. Сўнгра Эрдўған президент қароргоҳига йўл олади ва у ерда мамлакатнинг парламент бошқаруви шаклидан президент шаклига ўтишига бағишланган маросим ўтади.

Бундан ташқари, шу кун Туркия вазирлар маҳкамасининг янги таркиби эълон қилинади. Бир қатор вазирликларнинг бирлашиши натижасида вазирлар сони 21 нафардан 16 нафаргача камаяди. 

Вазирлар маҳкамасининг янги таркиби тасдиқлангандан кейин мамлакатда 2016 йил давлат тўнтарувига уринишдан кейин киритилган фавқулодда вазият тартиби бекор қилиниши кутилмоқда.  

Эрдўғаннинг инаугурацияси маросимида Ўзбекистон Республикаси Олий Мажлиси Сенатининг раиси Ниғматилла Йўлдошев бошчилигидаги делегация ҳам иштирок этади. 

Туркияда 2018 йил 24 июн кунида бўлиб ўтган президент ва парламент сайловларида Эрдўған 52,59 фоиз овоз билан ғолиб бўлган, унинг Адолат ва тараққиёт партияси эса 41,56 фоиз овоз олган.