Британия ТИВ раҳбари Қошиқчи қатли сабабининг ноаниқ қолаётганини танқид қилди

Британия Ташқи Ишлар вазири Яман урушининг давом этиши ҳамда арабистонлик журналист Жамол Қошиқчининг қатлига оид жиноят ишининг муаллақ қолаётганини умуман қабул қилиб бўлмайдиган масала дея таъкидлади.

Ал-Жазира телеканалининг хабар қилишича, Британия ТИВ раҳбари- Jeremy Hunt чиқарган баёниясида  Лондон давлати Қошиқчи қатли сабабларини маълум этиш учун Арабистонни Туркия билан ҳамкорлик қилишга рағбатлантиришни мақсад қилган,  деб айтди.

Британия Ташқи Ишлар вазири Яманга қарши Арабистон режими ҳужумларига тўхталиб, бу уруш оқибатида Яманда қанча инсонлар қурбон бўлганининг номаълум эканлиги, миллионлаб инсонларнинг қочқинликка юз тутгани, Ямандаги очарчилик, қаҳатчилик ва турли юқумли касалликларнинг кенг тарқалишига сабаб бўлганини қайд этди.

У ўз сўзларида  Яман бўҳронини ҳал  этишнинг ягона йўли  урушни тўхтатиш ҳамда  тинчлик ва барқарорликни ўрнатишдир,  деб қўшимча қилди.

Айтиш жоизки,  Британия ТИВ раҳбари Саудия Арабистони ва БААга сафар қилиши остонасида ушбу баёнотини эълон қилган.