Янги Kia Soul’нинг ташқи кўриниши акс этган суратлар пайдо бўлди

Интернетда янги Kia Soul машинасининг ташқи кўриниши акс этган суратлар пайдо бўлди.

Суратлар Kia томонидан бир неча кундан сўнг Лос-Анжелес автосалонида бўлиб ўтадиган расмий тақдимотдан олдин пайдо бўлди.

Автомобиль Мексика йўлларида қайд этилган. Кадрларда янги автомобиль оптика бўйича аъло даражадаги хусусиятларга эга эканлиги акс этган. Олд ёритгичлари «икки қаватдан» иборат. Пастда туманга қарши ёритгичлар ва қайрилиш чироқлари, юқорида эса автомобиль ҳаракати вақтида ёнадиган чироқлар ҳамда яқинни ва узоқни ёритувчи чироқлар жойлашган.

Лос-Анжелесдаги автосалонда Kia Soul X-Line’нинг «йўлтанламас» талқини ва GT Лине спорт талқини тақдим этилади.