Россия ОИВ-ни тарқатиш бўйича Европада етакчилик қилмоқда.

Яқинда ўтказилган тадқиқот натижалари шуни кўрсатадики, Европада, айниқса ушбу минтақанинг шарқий қисмида СПИД эпидемияси кенгайиб бормоқда.

Исна ахборот агентлигининг тарқатган хабарига кўра, Европа касалликларни назорат қилиш ва ҳимоялаш маркази маълумотларига кўра, 2017 йилда ушбу минтақада олимлар 160 мингта янги ҳолатни қайд этган, шуларнинг 130 мингтаси Шарқий Европага тўғри келади. Шундан Россияда 104 минг нафар касал аниқланган.

Бутунжаҳон соғлиқни сақлаш ташкилотининг (БССТ) Европа ҳудудий бюроси эълон қилган ҳисоботга кўра, Россия иммунотанқислик вирусини тарқатиш бўйича Европа мамлакатлари орасида 2017 йилда биринчи ўринни эгаллади. Россияда 100 минг киши учун 71,1 та янги ҳолат аниқланган. 

Икки мамлакат (Россия Федерацияси ва Украина)да ташхисланган ҳолатларга ОИВ-инфекцияси 75% Европа қисмига ва 92% ҳудуднинг шарқий қисмига тўғри келди.

Рўйхатдаги иккинчи ўринни Украина эгаллади, худди шу даврда ушбу ҳудудда 37 та ОИВ юқиш ҳолатлари аниқланган. Кейинги ўринда Беларусь (26,1 ҳолат) ва Молдавия (20,6).

СиЭнЭн ахборот агентлигининг  тарқатган хабарига кўра, ўтган 10 йил давомида Европада ушбу янги вирусга чалинганларнинг сони 2 миллион 32 мингдан ортиқ нафарга етган. 

Бутунжаҳон соғлиқни сақлаш ташкилоти маълумотларига кўра, 2017 йилда дунё бўйлаб 36 миллион 900 минг одам Спид вируси билан касалланган.