Европадаги энг йирик масжид ўзбек меъморлари лойиҳаси асосида қурилади
март 23, 2019 11:00 Asia/Tashkent
Чеченистонда жорий йил май ойида Европа минтақасидаги энг йирик масжид очилади.
Шали шаҳридаги ушбу масжид бир пайтнинг ўзида 20 000 киши намоз ўқишига мўлжалланган.
Айни пайтда масжидда ички ва ташқи безатиш ҳамда атрофида ободонлаштириш ишлари кетмоқда. Бу ишларга 300 нафар мутахассис жалб этилган.
Масжид Марказий Осиё ва Яқин Шарқ усулларида безатилиб, Грециядан келтирилган оқ мармар ишлатилади. Ёритиш тизими эса италиялик мутахассисларга ишониб топширилган.
«Грозний» телерадиокомпаниясига кўра, қурилиш ишлари 2012 йилнинг декабрь ойида бошланган ушбу масжид ўзбек меъморлари лойиҳаси асосида қурилмоқда.
Ёрлиқ
