Трамп: коронавирус билан кураш учун миллий гвардия кўмак беради
Америка президенти якшанба куни кечаси Калифорния, Вашингтон ва Нью-Йорк вилоятларида коронавирус билан курашда кўмак бериш учун миллий гвардия кучлари амал қилади,-деб эълон қилди.
Форс ахборот агентлиги тарқатган хабарга кўра, Дональд Трамп шунингдек Нью-Йоркда фавқулодда вазъият эълон қилинишидан хабар берди ва келаси 24 соат давомида бу вилоятга тиббий кўмаклар етказилади,- деб иддао қилди.
Американинг турли штатлари, жумладан Нью-Йорк, Вашингтон ва Калифорниядаги вазъият коронавирус эпидемиясининг кенг тарқалиши сабабли жуда оғирдир.
Ҳозирда, ушбу мамлакатнинг 50-та штати коронавирус билан гирифтор бўлиб қолган.
Америка давлати томонидан эълон қилинган охирги расмий маълумотларга асосан, ҳозиргача ушбу мамлакатда 38138 киши коронавирусни юқтириб олган, улардан 396 киши эса ҳалок бўлган.
Американинг ғазначилик вазири коронавирус эпидемияси олдини олиш учун мамлакатда 10-12 ҳафта таътил эълон қилинишидан хабар берди.
Стивен Манучин якшанба куни Фокс-Ньюз ахборот агентлиги билан қилган ўз сўҳбатида, ушбу хабарни эълон қилиб, Америка Конгресси коронавируснинг зарарли тасирининг олдини олиш учун Америка иқтисодиётига бир триллион доллар кўмак бериш лойиҳасини тасдиқлайди,-деб умидворлик билдирди.
