Путин: Россияда COVID-19 га қарши биринчи вакцина рўйхатга олинди

Россия президенти Россияда коронавирусга қарши биринчи вакцина рўйхатга олинганини эълон қилди

Менга маълум бўлишича, бугун эрталаб дунёда биринчи янги коронавирус инфекциясига қарши вакцина рўйхатдан ўтказилди”, - деди у ҳукумат аъзолари билан йиғилишда. РИА Новостига таяниб Спутник сайти хабар берган.

У коронавирусга қарши вакцина устида иш олиб борганларга миннатдорчилик билдирган ва бу бутун дунё учун муҳим қадам эканини қайд этган.

Шунингдек, Россия етакчиси қизларидан бири коронавирусга қарши ушбу вакцина билан эмланганини маълум қилди.

Эслатиб ўтамиз, аввалроқ Гамалея номидаги Миллий эпидемиология ва микробиология тадқиқотлар марказида ишлаб чиқилган вакцина 12 августда рўйхатдан ўтказилиши кутилаётгани абар қилинганди.

• Россияда коронавирусга қарши вакцинанинг клиник синови якунланди