НАТО Туркияда С-400-нинг эҳтимолий синовига муносабат билдирди
Шимолий Атлантика шартномаси ташкилоти-НАТО, АҚШ билан бирга Туркиянинг С-400 ракета тизимининг эҳтимолий синовини танқид қилди.
The Independent сайтининг хабар қилишича, НАТО якшанба куни чиқарган баёнотида, Россияда ишлаб чиқарилган, С-400 ракета тизимининг Туркияда ўтказишининг эҳтимоли бўлган синовини танқид қилди ва Анқарани бошқа ҳаво ҳужумидан мудофаа воситасини танлашга чақирди.
АҚШ Мудофаа вазирлиги -Пентагон ҳам агар Туркияда С-400 ракета тизими синови тўғрисидаги хабар ҳақиқат бўлса, уни қатъиян қоралашини маълум қилди.
Ройтерз ахборот агентлиги ҳам жума куни Қора денгиз соҳилидаги турк ҳарбийлари Россиянинг С-400 ракеталарни жойлаштириши керак бўлган жойдан ракетани осмондан отилганини кўрсатадиган видеотасвирга эга бўлганини эълон қилган.
Россиянинг С-400 ракета тизимларини Туркияга етказиб бериш 2019 йил июль ойида бошланди ва хабарларга кўра, ракета тизимини жойлаштириш ишлари олиб борилмоқда.