Pars Today

Фавқулодда башоратлари учун "Болқоннинг Нострадамуси" лақабини олган кӯзи ожиз болгариялик кекса аёл, 2021 йилда Доналд Трамп ва Владимир Путиннинг ҳаёти хавф остида бўлишини тахмин қилган.

 Ванга 2021 йилда Россия президенти (Владимир Путин) ҳаётига хавф туғилишини ва Кремл ичида кимдир уни террор қилишини айтган.

Ванга келгуси йилнинг биринчи ярмида Россияда демографик инқироз юз беришини айтган. Экспертларнинг фикрига кўра, бу коронавирус инфекцияси билан боғлиқ бўлиши мумкин. Йилнинг иккинчи ярмида вазият яна яхшиланиши кутилмоқда.

Яна бир башорат АҚШга тааллуқли бўлиб, Ванга «охирги президент» ҳақида гапирган. Баъзи экспертларнинг фикрига кўра, бу амалдаги президент Дональд Трамп Жо Байденнинг ғалабасига ишонмаслиги натижасида келиб чиқиши мумкин. Таъкидланишича, Трамп энг сўнгги давлат раҳбари бўлади. Қўшма Штатларга нима бўлиши аниқ айтилмаган, бироқ одамлар мамлакатда «фуқаролар уруши» бошланиб, ҳокимият алмашади деган хулосага келишмоқда.

Яна бир башоратда табиий офатлар ҳақида гап боради. Кучли ёмғир туфайли Калифорния штати сув остига «ғарқ бўлади». Қандайдир «мегашторм» натижасида эса Лос-Анжелес, Сан-Франциско ва Сан-Диего беш метрлик сув билан қопланади.

Ванга, шунингдек, инсоният саратон касаллигини енгишини башорат қилган. 

Қайд қилиш жоизким, Ванга биринчи марта  2000 йилда Россиянинг "Курск" сувости кемасининг чўкиши ҳақидаги башорати амалга ошгандан кейин дунёга машҳур бўлди.

Бундан ташқари, кекса болгар Хитой дунёдаги биринчи супер  кучга айланишини башорат қилганида, унинг жаҳон иқтисодиётидаги улуши атиги 4,1 фоизни ташкил этарди, аммо яқинда жаҳон иқтисодчиларининг мамлакат келгусидаги иқтисодий ўсиши ҳақидаги таҳлилий хулосалари кекса башоратчининг фикрларига  тўлиқ мос келади.