Туркия ҳукумати ҳарбий исёндан кейин 11 мингга яқин кишини паспортдан маҳрум қилди
июл 23, 2016 14:09 Asia/Tashkent
-
Туркияда давлат тўнтариши
Давлат тўнтаришини амалга ошириш учун қилинган исёндан сўнг, мамлакат ҳукумати 11 мингга яқин фуқароларнинг паспортини бекор қилди.
Sputnik ахборот агентлигининг хабарига кўра, бу ҳақда Турки ИИВ раҳбари Эфкан Ола баёнот берди.
"Биз бугуни кунда 10 минг 856 нафар кишининг паспортини бекор қилдик", — деб таъкидлаган Ола NTV телеканали эфирида.
Бундан сал олдин Туркия ҳукумати давлат органлари ходимларига чет элга чиқишни таъқиқлаган эди.
Туркияда ҳарбий исён 15 июлдан 16 июлга ўтар кечаси рўй берган. Ҳарбийлар вертолёт ва танклар ёрдамида аэропорт, кўприк, ОАВ бинолари ва президент саройига ҳужумлар уюштиришган. Туркия ТИВ маълумотига кўра, давлат тўнтаришига уриниш ҳаракатлари оқибатида 290 киши қурбон бўлган.
