Покистонда ИҲТ ташқи ишлар вазирларининг икки кунлик учрашуви якунланди

Кеча (чоршанба) кечқурун Исломободда (Покистон пойтахти) якуний баёнот эълон қилиниши билан Ислом ҳамкорлик ташкилоти Ташқи ишлар вазирларининг икки кунлик 48-йиғилиши якунланди.

ИРНА хабарига кўра, ИҲТга аъзо давлатлар ташқи ишлар вазирларининг 48-йиғилиши иштирокчилари ИҲТ фаолиятини янада самаралироқ қилиш учун бирдамликни мустаҳкамлаш ва ислом оламининг муҳим муаммоларини ҳал этишда бир овоздан чиқиш зарурлигини таъкидладилар.

Покистон Ташқи ишлар вазири Шоҳ Маҳмуд Қурейши ва Ислом ҳамкорлик ташкилоти Бош котиби Ҳусайн Иброҳим Тоҳо Исломобод саммити якунида ўтказилган қўшма матбуот анжуманида иштирок этиб, ҳозир бўлган делегациялар Исломобод декларациясини бир овоздан маъқуллаганини маълум қилди.

Қурайши айтди:Фаластин, сиёсий ва хавфсизликни ривожлантириш, гуманитар масалалар, ҳуқуқий масалалар, озчиликлар мақоми, исломофобия, қурол-яроғ назорати, коррупсияга қарши кураш ва воситачилик бўйича 100 дан ортиқ резолюция қабул қилинган.

Ташқи ишлар вазири Покистон, Фаластин ва Ҳиндистон назоратидаги Кашмир минтақасини Ислом ҳамкорлик ташкилотининг муҳим масалалари ва устувор йўналишлари деб ҳисоблади ва шундай деди:Ташкилотнинг исломофобияга қарши кураш ва Африка билан ҳамкорлик бўйича махсус вакилларини тайинлашга келишиб олди.

Украина ва Россия ўртасидаги инқироз ва урушни эслатиб, йиғилишда қатнашган делегациялардан жиддий хавотир билдирган Шоҳ Маҳмуд Қурейши шундай деди: Ислом ҳамкорлик ташкилоти аъзолари зудлик билан ўт очишни тўхтатиб, икки давлат ўртасидаги адоватларни камайтиришга чақирди.