Зеленский: Путиннинг тириклигига ишончим комил эмас

Украина президенти Жаҳон иқтисодий форумида Россия президентининг тирик ёки йўқлигига ишончи комил эмаслигини даъво қилиб, Киевнинг Москва билан музокара қилишни истамаслигини оқлади.

Украина президенти Владимир Зеленскийнинг ёлғон гапи Россия президенти Владимир Путин Ленинград қамалининг 80 йиллиги муносабати билан Обухов заводига ташрифи чоғида ОАВ ва журналистлар олдида нутқ сўзлаганида янгради.

“Метро” газетасининг ёзишича, чоршанба куни, Давос йиғилишидаги нутқининг бир қисмида, Украина ва Россия ўртасидаги тинчлик музокаралари масаласи билан боғлиқ ҳолда, Зеленский президент Путин билан мулоқот масаласини тилга олди ва шундай деди: “Ҳозир ким билан гаплашишни билмайман. Мен Россия президенти тирикми ёки йўқми, билмайман ва у ерда ким қарор қабул қилаётганини билмайман. Менда бундай маълумотлар йўқ”.

Россия президентининг касаллиги ҳақида ҳеч қандай далил йўқ бўлса-да, баъзи Ғарб манбалари Украина уруши авжида Владимир Путиннинг соғлиғини шубҳа остига қўйишга уринмоқда ва ҳатто Путиннинг қиёфадоши баъзи жамоат жойларида пайдо бўлаётганини даъво қилмоқда.