Путин: Украинанинг қарши ҳужуми муваффақиятсизликка учради
-
Путин: Украинанинг қарши ҳужуми муваффақиятсизликка учради
Россия президенти Украинанинг қарши ҳужумини муваффақиятсиз деб ҳисоблади.
Эрон телерадиокомпаниясининг ўзбек тилидаги сайтнинг хабар қилишича, Владимир Путин туркиялик ҳамкасби Ражаб Тоййиб Эрдўғон билан суҳбатдан сўнг:"Айтишим керакки, бу тўхташ эмас, балки муваффақиятсизлик".
Путин қўшимча қилди:Келажакда нима бўлишини кўрамиз ва умид қиламанки, Украинадаги уруш воқеалари шу тарзда давом этади.
Россия президенти душанба куни Туркия президенти билан бўлган учрашувда Эрдоған урушни тўхтатиш бўйича музокаралар ўтказишни таклиф қилганига ишора қилиб давом этди ва таъкидлади: Москва ҳеч қачон музокарадан бош тортмаган.
Россия Мудофаа вазирлиги эълонига кўра, Украина армияси 4 июндан бери муваффақиятсиз ҳужум уринишларини амалга оширди. Шундай қилиб, бу даврда Киев 43 мингдан ортиқ аскарини ва 5 мингга яқин турли хил ҳарбий техникасини, шу жумладан 26 самолёт ва 25 Леопард танкини йўқотди.
Айни пайтда, Украина расмийлари душанба куни мамлакат кучлари шарқий фронтда яна кўпроқ ҳудудларни қўлга киритиб, жанубга қараб олға бораётганини даъво қилди.
Бу ҳақда Украина мудофаа вазири ўринбосари Хана Малиар ўзининг Телеграм-каналида маълум қилди:Ўтган ҳафтада кучларимиз бир неча ой давом этган шиддатли жанглардан сўнг май ойида рус қўшинлари томонидан босиб олинган Бахмут шаҳри атрофидаги 3 квадрат километрга яқин ерни қайтариб олди
Украина мудофаа вазири ўринбосарининг сўзларига кўра, июнь ойи бошида қарши ҳужум бошланганидан бери мамлакат Бахмут атрофидаги жами 47 квадрат километрга яқин ерни қайтариб олган.
