Тоғли Қорабоғда гуманитар инқироз
-
Тоғли Қорабоғда гуманитар инқироз
Озарбайжон Республикаси ҳужумидан сўнг Арманистонга бошпана топган Тоғли Қорабоғ арманлари сони юз мингдан ошди.
Эрон телерадиокомпаниясининг ўзбек тилидаги сайтининг хабар қилишича, Арманистон Бош вазири Никол Пашиняннинг матбуот котиби Назли Багдасарян шанба куни бўлиб ўтган матбуот анжуманида Қорабоғдан 100 417 нафар арман келганини маълум қилган.
Тоғли Қорабоғда яшовчи 100 минг арманнинг кетишига жавобан Франция элчиси Оливе Декотинис шундай деди:"Тоғли Қорабоғнинг 100 минг арманиси ўз уйларини ташлаб кетишга мажбур бўлди. Бу инсоният фожиаси".
Шу билан бирга, Тоғли Қорабоғга қилинган ҳужум ва бу ҳудуднинг арман аҳолисининг Арманистонга оммавий қочиб кетишидан сўнг, Озарбайжон Республикаси ички "кўчирилганлар"нинг қайтишини эълон қилди.
Озарбайжон Республикаси Президенти Илҳом Алиев жума куни Тоғли Қорабоғдан қочқин бўлган 2300 киши Тоғли Қорабоғдаги уйларига қайтганини маълум қилди.
Яна бир янгилик, Арманистон жамоат радиоси Озарбайжон Республикаси Бош прокурорига таяниб, Озарбайжон кучлари томонидан президент маслаҳатчиси ва Тоғли Қорабоғ маҳаллий ҳукуматининг собиқ ташқи ишлар вазири Давид Бабаян ҳибсга олинганини тасдиқлади.
Озарбайжон Республикаси Бош прокуратураси Қорабоғда ҳибсга олинган Бабаянни “тажовузкор урушни режалаштириш, тайёрлаш, бошлашда” айблади.
Қорабоғ қуролли кучларининг собиқ қўмондони Левон Манацаканян яқинда Озарбайжон Республикаси томонидан “Лачин коридори” назорат-ўтказиш пунктида ҳибсга олинган эди.
Ҳибсга олинганлар рўйхатида Тоғли Қорабоғ қуролли кучларининг собиқ қўмондони, Никол Пашинян тарафдори Самуел Бабаяннинг ҳам номи бор.
