Дональд Трамп: мен бошқа судга бормайман!
-
Дональд Трамп: мен бошқа судга бормайман!
АҚШнинг собиқ президенти Дональд Трамп ўзининг молиявий айбловлари бўйича Нью-йоркдаги янги суд мажлисида қатнашмаслигини маълум қилди.
Бундан олдин Нью-йорк шаҳри бош прокурори Дональд Трампнинг бойлигини ошириш орқали банклар ва суғуртачиларини алдагани учун судга берган эди.
Эрон телерадикомпаниясининг ўзбек тилидаги сайтининг хабар қилишича, Дональд Трамп Нью-йорк шаҳридаги суд мажлиси бошланишидан бир неча соат олдин фирибгарлик иши бўйича иккинчи марта гувоҳлик бермасликка қарор қилганини айтди.
Суд жараёни бошланишидан олдин Дональд Трамп "Truth Social" ижтимоий тармоғида " Мен душанба куни гувоҳлик бермайман. Мен керак бўлган ҳамма нарсани айтдим ва бошқа айтадиган гапим йўқ" деб ёзди.
АҚШнинг собиқ президенти ўтган ой Ню-йоркдаги суд мажлисида муваффақиятли чиқиши билан ҳамма нарсани айтганини ва яна судга бориш учун ҳеч қандай сабаб кўрмаётанини иддао қилди.
Эслатиб ўтамиз 6-ноябр куни Нью-йорк шаҳрида ўтказилган суд мажлисида Дональд Трамп судя ва бошқалар билан бир неча бор тўқнаш келган ва уларни сиёсийлаштиришда айблади. Судя эса Трампни бу сиёсий митинг эмаслиги ҳақида кўп марта огоҳлантирган.
