Бугун душанба, ҳижрий-шамсий 1396 йил фарвардин ойининг 21-си, ҳижрий-қамарий 1438 йил ражаб ойининг 12-си ва милодий ҳисоб билан 2017 йил 10-апрел

Ассалому алайкум, қадрли тингловчилар!

"Тарихнинг ўчмас кунлари" унвонли кундалик эшиттиришнинг янги сони билан камина Кўҳёр Аршадниё хазматингиздаман.

Бугун  душанба, ҳижрий-шамсий 1396 йил  фарвардин     ойининг 21-си, ҳижрий-қамарий 1438 йил ражаб     ойининг 12-си ва милодий ҳисоб билан 2017  йил 10-апрел.

Бугунги кундан 229 йил олдин, ҳижрий-қамарий 1209 йилнинг 12-ражаб ойида Лутфалихон Занднинг қатл этилгани натижасида Зандия сулолаларининг ҳукмронлик қилиш даври якун топади. Ушбу подшоҳлик сулоласига қамарий 1165 йилда Каримхон Занд асос солиб,  ўзини “Вакил ар-Руоё” деб атаган эди ҳамда халқнинг тинч ва осуда яшашлари учун ҳаракат қиларди. Бироқ унинг ўринбосарлари қудратга эришиш учун ўзаро низо қилишади. Шу сабабдан Зандия сулоласи заифланиб, унинг рақибларидан бири Оғомуҳаммадхон Қожор қудратли бўлади. Зандия сулоласининг охирги шоҳи Лутфалихон Занд  ёш, ботир ва тўғри сўзли шоҳ бўлсада, Оғомуҳаммадхон билан бўлган курашда тажрибасизлиги боис мағлуб бўлади. У кўплаб қийноқларга солинганидан кейин қатлга етказилади.

Бундан 98 йил олдин, яъни милодий 1919 йилнинг 10-апрелида Мексиканинг етук инқилобчиларидан бири Эмилиано Запата бир фитна жараёнида қатлга етказилади. Мексиканинг қизил танлилари  Запатани жамият муслиҳи ва ўзларининг нажоткорлари сифатида билишарди.Запата милодий 1910 йилнинг охирларида “Ер ва эркинлик” шиори билан қўлга қурол олади ва эркпарвар қизил танлилардан ташкил топган қўшун билан ишғол этилган ерларни озод этиш ҳаракатларини бошлайди. Запата Мексика президенти Франсиско Модерони ислоҳотчи раҳбар деб билганида у билан муносабатлари яхши эди. Аммо Запата ерга оид ислоҳотларини эълон қилганидан сўнг Модеро унга қаршилик қилиш ҳаракатларини бошлайди. У ушбу ислоҳотларни амалга ошириш учун Модерога қарши қўзғолон қилади ва кўплаб ерларни халққа олиб беради.Бироқ унинг душманлари турли ҳийлалар билан Запатани қатлга етказишади.

Бугунги кундан 86 йил олдин, яъни милодий 1931 йилнинг 10-апрелида етук араб шоири, адиби ва рассоми Жуброн Халил Жуброн оламдан ўтади. У милодий 1883 йилда Ливан шимолида таваллуд топган ва  болалигида қашшоқлик таъмини татиб кўрган. Шу сабабдан у ота-онаси ва бошқа оила аъзолари  билан 12 ёшда бўлган вақтида Америкага боради. Аммо таҳсил олиш учун зудлик Ливанга қайтади. Халил Жуброн 1902 йилда онаси, сингли ва биродари касал бўлгани сабабли яна Америкага боради.

Аммо бир йил давомида уларни қўлдан беради ва қаттиқ руҳий зарба билан юзмаюз бўлади. Кейинчалик у Францияга боради ва рассомлик  маҳоратини у ерда оширмоқчи бўлади. Ёзувчилик билан ҳам машҳур бўлган Жуброн Халил  янги китоблар ёзишга ҳаракат қилади. У бир қатор муҳим китоблар ёзишга эришади. “Девона”, “Масеҳ инсон фарзанди”, “Пайғамбар” ва “Ўжар арвоҳ” унинг машҳур китобларидан ҳисобланади.

  Азизлар, “Тарихнинг ўчмас кунлари” унвонли ҳафталик эшиттиришнинг янги сони шу ерда ўз ниҳоясига етди. Мен эса сизлар билан хайрлашаман. Саломат бўлинг.