Azərbaycan və İran ikitərəfli hüquqi məsələləri müzakirə edib

Azərbaycanın İrandakı səfiri Əli Əlizadə İranın Xarici İşlər Nazirliyinin Beynəlxalq hüquqi məsələlər idarəsinin rəisi Seyid Əli Musəvi ilə ikitərəfli hüquqi məsələlərə dair müzakirələr aparıb.

Bu barədə Azərbaycan diplomatik missiyasının mətbuat xidməti məlumat yayıb.

"Azərbaycanın İrandakı səfiri Əli Əlizadə bu ölkənin Xarici İşlər Nazirliyinin Beynəlxalq hüquqi məsələlər İdarəsinin rəisi Seyid Əli Musəvi ilə görüşüb, ikitərəfli hüquqi məsələlərə dair müzakirələr aparıb", deyə səfirliyin sosial şəbəkə hesabında qeyd edilib.