İran Sionist rejiminin Livandakı cinayətlərini pisləyib

İran Xarici İşlər Nazirliyinin sözçüsü sionist rejimin Livanın müxtəlif bölgələrinə, o cümlədən Ənsar, Əli əl-Tahir yüksəklikləri, Nəbatiyyə əl-Fuqa və Deyr əz-Zəhraniyə qarşı vəhşicəsinə hücumlarını qətiyyətlə pisləyib. Bu hücumlar nəticəsində bir ailədən üç uşaq və iki qadın olmaqla on bir nəfər şəhid olub, bir neçə nəfər yaralanıb və yaşayış və mülki obyektlər dağıdılıb.

Aran Radiosunun məlumatına görə, Şənbə gecəsi Bəqai sionist rejimin Livana qarşı hərbi təcavüzünün davam etməsinə və ölkənin milli suverenliyinin və ərazi bütövlüyünün pozulmasına toxunaraq, Birləşmiş Millətlər Təşkilatının Təhlükəsizlik Şurasının beynəlxalq hüquq və beynəlxalq humanitar hüququn kobud şəkildə pozulması ilə bağlı davam edən sükutunu və hərəkətsizliyini təəssüf doğuran adlandırıb və İsrail rejiminin Livanın cənubundakı təcavüzkar hərəkətlərinin dayandırılmasının və Livanın işğal olunmuş ərazilərindən dərhal geri çəkilməsinin vacibliyini vurğulayıb.

İran Xarici İşlər Nazirliyinin sözçüsü həmçinin Livan xalqının işğalçı rejimin təcavüzünə qarşı şərəfli müqavimətini tərifləyib, Livana işğalçı rejimin təcavüzünə qarşı öz kimliyini qorumaq üçün bütün vasitələrdən istifadə etmək kimi  qanuni hüququnu xatırladıb və ölkənin milli suverenliyini, müstəqilliyini və ləyaqətini qorumaqda İran İslam Respublikasının Livanla həmrəyliyini vurğulayıb.