Yəmən Silahlı Qüvvələrinin sözçüsü Amerika gəmisinə hücumu təsdiqləyib

Yəmən Silahlı Qüvvələrinin mətbuat katibi Yəhya Sərii çərşənbə günü axşam saatlarında bu ölkə qüvvələrinin Qırmızı dənizdə işğal olunmuş Fələstinin limanlarına tərəf gedən Amerika ticarət gəmisini hədəf aldığını təsdiqləyib.

İRNA-nın Qətərin Əl-Cəzirə telekanalına istinadən verdiyi məlumata görə, Sərii əlavə edib: “Xüsusi əməliyyat keçirdik və ABŞ-a məxsus “Cole” ticarət gəmisini hədəfə aldıq.”

O əlavə edib: “Bu əməliyyat “USS Greeley”-ə hücumdan bir neçə saat sonra həyata keçirildi.”

Sərii bildirib ki, Amerika ticarət gəmisi işğal olunmuş Fələstinin limanlarına tərəf üzürdü.