“ABŞ Yaxın Şərqə xaos və dağıntı toxumu səpir”

Rusiyanın BMT-dəki daimi nümayəndəsi Birləşmiş Ştatları Yaxın Şərq regionunu xaosa sürükləməkdə ittiham edib.

Vasili Nebenzya Təhlükəsizlik Şurasının iclasında deyib: “ABŞ və müttəfiqləri Livan, Qırmızı Dəniz və Yəmənə zorakılıq yayır və Yaxın Şərqdə sülhü bərpa etmək üçün beynəlxalq səylərin qarşısını alır”.

Rus səfir bildirib ki, ABŞ-ın bu hücumları güc nümayiş etdirmək və seçkiqabağı kampaniyada ABŞ hökumətinin imicini yaxşılaşdırmaq məqsədi ilə həyata keçirilib.

Həmçinin o, ABŞ-ı beynəlxalq hüququ pozmaqda və Yaxın Şərqə xaos və dağıntı toxumu səpməkdə ittiham edib.