BMT Təhlükəsizlik Şurasının iclası; İsrail cavab verməlidir
İrəvani: İsrail ABŞ-ın qeyd-şərtsiz dəstəyi ilə həyasızlaşıb
sionist rejimin son təcavüzünün araşdırılması üçün Birləşmiş Millətlər Təşkilatının Təhlükəsizlik Şurası İranın tələbi ilə fövqəladə iclas keçirilib.
Bu məlumata əsasən, iclasda əvvəlcə İranın BMT-dəki səfiri və daimi nümayəndəsi Əmir Səid İrəvani çıxış edərək deyib: “ABŞ-ın İsrail rejiminə qeyd-şərtsiz dəstəyi və onun Təhlükəsizlik Şurasının daimi üzvü olduğu halda vəzifələrini yerinə yetirməməsi sionist rejimin Qəzzə və Livanda, indi də İrana qarşı törətdiyi cinayətlərinə və təcavüzünə yol açdı və bu təkəbbürlü rejim regional sülh və təhlükəsizliyi ciddi şəkildə pozur”.
İrəvani sionist rejimin İrana təcavüzü barədə əlavə edib: “İsrail rejiminin İrana təcavüzü regionda sabitliyi pozmağa yönəlmiş cəzasızlıq modelinin bir hissəsidir. Biz İsrail rejiminin təcavüzünü ən sərt şəkildə pisləyirik. İsrail rejiminin düşmənçilik hərəkətləri beynəlxalq hüququn və BMT Nizamnaməsinin, xüsusilə də suverenlik və ərazi bütövlüyü prinsipinin və ölkələrin suverenliyinə qarşı güc tətbiqi ilə hədələmənin və ya güc tətbiqinin qadağan edilməsinin açıq və təhlükəli şəkildə pozulmasıdır. Bu prinsiplər sadəcə mücərrəd fikirlər deyil; Əksinə, onlar beynəlxalq sülhün və sabitliyin əsaslandığı əsas təməllərdir”.
Səfir sonda deyib ki, İran İslam Respublikası regional problemlərin həlli və sülh və sabitliyin möhkəmləndirilməsi üçün həmişə diplomatiyaya əməl edib. “Bununla belə, İran İslam Respublikası suveren ölkə kimi BMT Nizamnaməsinin 51-ci maddəsi ilə təsdiqlənən üsulla bu təcavüz aktına lazımi vaxtda cavab vermək hüququnu özündə saxlayır. Bizim cavabımız qanuni olacaq və beynəlxalq hüquqa tam uyğun olacaq”, - deyə Əmir Səid İrəvani vurğulayıb.
İclasın davamında Əlcəzair nümayəndəsi çıxış edərək bildirib ki, İsrailin İrana hücumları beynəlxalq sülhün pozulmasıdır, ona görə də işğalçı İsrail qüvvələri öz əməllərinə görə cavab verməlidir.
Çin nümayəndəsi isə xəbərdarlıq edib ki, Yaxın Şərqdə vəziyyət kövrəkdir. Bu səbəbdən rəsmi Pekin regionun sülh və təhlükəsizliyini təhdid edən istənilən təcavüzkar hərəkətə qarşıdır.
Rusiya nümayəndəsi Vasili Nebenziya da bəyan edib ki, İsrailin İrana hücumunda Amerika ona kəşfiyyat materialları ötürüb. O, İsrail rejimindən Yaxın Şərqdə təhlükəli nəticələrə gətirib çıxaran hərbi hərəkətlərini dayandırmasını istəyib.
