Transatlantik ittifaqın illüziyası / Avropanın Trampdan zərbə aldığı həftə
“Qardian” qəzetinin analitik məqaləsində bildirilib: Avropa bu həftə – ABŞ Prezidenti Donald Trampın Ukrayna müharibəsinin gələcəyi ilə bağlı yeni planını onlarla məsləhətləşmədən gündəmə gətirdiyi bir vaxtda – Rusiya qarşısında tək qalmaq təhlükəsi, transatlantik ittifaqın zəifləməsi və ABŞ-yə strateji etimadın sarsılması ilə indiyədək olmadığı qədər üz-üzə qalıb.
“Qardian” bu gün (şənbə günü) dərc etdiyi hesabatda Trampın Ukrayna müharibəsinin başa çatdırılması üçün irəli sürdüyü “28 bəndlik plan” ətrafında baş verən diplomatik və mediaya sızan ardıcıl prosesləri nəzərdən keçirərək yazır: Bu həftə elə bir dönüş nöqtəsi olub ki, Avropa liderləri ilk dəfə açıq şəkildə bu reallıqla üzləşiblər. Vaşinqton Brüssel və Avropa paytaxtları ilə ciddi koordinasiya aparmadan belə, Avropanın təhlükəsizlik arxitekturası barədə Moskva ilə razılaşma əldə etməyə hazırdır.Hesabatda Avropanın yüksək səviyyəli diplomatlarından sitat gətirilir ki, “Avropa Rusiya qarşısında tək qalıb” və artıq əvvəlki kimi ABŞ-nin təhlükəsizlik “çətirini” öz-özlüyündə təminat saymaq mümkün deyil.“Qardian” və digər medianın bəzi şərhlərində bu plan, mövcud cəbhə xəttinə əsaslanan atəşkəs sənədi və ərazi güzəştlərinə hesablanan bir çərçivə kimi qiymətləndirilir ki, bu da Avropanın iştirakı olmadan Ukrayna üçün “mümkünsüz seçim” yaradır.
