پیشروی طالبان در افغانستان؛ چالشی بزرگ برای تاجیکستان
-
پیشروی طالبان در افغانستان؛ چالشی بزرگ برای تاجیکستان
نماینده دائم تاجیکستان در سازمان معاهده امنیت جمعی، پناه بردن نظامیان امنیتی افغانستان بر اثر درگیری با طالبان را چالشی بزرگ برای دوشنبه دانست.
به گزارش رادیودری، حسن سلطان اف گفت: تاجیکستان کشوری است که با افغانستان مرزهای طولانی دارد و تدابیر لازم را برای مهار وضعیت و مقابله با تهدیدات و چالش هایی که از افغانستان صورت میگیرد، در نظر گرفته است.
نماینده دائم تاجیکستان در سازمان معاهده امنیت جمعی افزود: با توجه به وضعیت کنونی منطقه و جدای از این واقعیت که بخش های خاصی از مرزهای مشترک در ناهمواری کوهستانی دوردست قرار دارند لذا به نظر سخت میرسد که تاجیکستان به تنهایی این ماموریت را در قبال بحران در مناطق هم مرز با افغانستان انجام دهد.
پیش از این، بیش از ۱۰۰۰ نیروی امنیتی افغانستان پس از پیشروی اعضای گروه طالبان و افزایش تنش ها به سمت تاجیکستان گریختند.
امامعلی رحمان، رئیس جمهوری تاجیکستان نیز به دنبال آن به ۲۰ هزار نظامی ذخیره دستور آماده باش داد تا تدابیر امنیتی در مرز با افغانستان بیشتر شود.
پناه بردن صدها نظامی دیگر افغان به تاجیکستان
